ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ՍԵՊՏԵՄԲԵՐԻ 7-Ի N 1151-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՍԵՊՏԵՄԲԵՐԻ 10-Ի N 1035-Ն ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԻԾ

5 - project.vote.yes
1 - project.vote.no

ՀԻՄՆԱՎՈՐՈՒՄ

Իրավական ակտի հիմնավորումը
1.	Անհրաժեշտությունը
	Նախագծի մշակման անհրաժեշտությունը բխում է 2018 թվականի դեկտեմբերի 20-ի N 1516-Ն որոշման կիրարկման արդյունքում ի հայտ եկած խնդիրները լուծելու հրատապությունից:
2.	Ընթացիկ իրավիճակը և խնդիրները
	2017 թվականի սեպտեմբերի 7-ի N 1151-Ն որոշման 14-րդ կետի համաձայն շահառուն կամ նրա ներկայացուցիչը հավաստագիր ձեռք բերելու նպատակով առձեռն կամ փոստային կապի միջոցով կամ առցանց (էլեկտրոնային) եղանակով գրավոր դիմում է ներկայացնում նախարարություն կամ հավաստագիր տրամադրող մարմին: Սակայն իրավակիրառ պրակտիկան ցույց է տալիս, որ շահառուի համար ավելի նպատակահարմար է համապատասխան փաստաթղթերը ներկայացնել սոցիալական ծառայություններ տրամադրող իրենց տարածքային մարմիններին, որտեղ ստանում են նաև խորհրդատվություն անհրաժեշտ փաստաթղթերի վերաբերյալ: Մյուս կողմից, հավաստագիր տրամադրող մարմնի աշխատանքներն առավել արդյունավետ են իրականացվում, եթե ստանում են լիարժեք փաստաթղթեր: Վերոնշյալ որոշման N 1 հավելվածի 22-23-րդ կետերի համաձայն հավաստագիրը համարակալվում և հաշվառվում է, միաժամանակ հավաստագիրը տրամադրելու մասին համապատասխան գրանցում է կատարվում հավաստագրի հաշվառման գրանցամատյանում, որի դիմաց դիմողն ստորագրում է, իսկ փոստային առաքման դեպքում՝ հավաստագիր տրամադրողը նշում է կատարում փոստային առաքումը հավաստող տվյալների մասին: Սակայն հավաստագրերի տրամադրման և հաշվառման գործընթացը նախարարությունը կկազմակերպի էլեկտրոնային համակարգերի (Mulberry և պրոթեզաօրթոպեդիկ և վերականգնողական պարագաների հաշվառման տեղեկատվական համակարգ) միջոցով, հետևաբար թղթային մատյաններ վարելու կամ հաշվառելու անհրաժեշտություն չկա: Խնդիրներ են առաջացել նաև որոշման N 6 հավելվածով սահմանված լսողական սարքի անհրաժեշտության մասին տեղեկանքի կիրառման արդյունքում, մասնավորապես, տեղեկանքը տրամադրող կազմակերպության անվանումը նշելու, կնիքով հաստատելու տողեր տեղեկանքում չկան: Նախագծում նաև հստակեցվում են որոշ աջակցող պարագաների տրամադրման հետ կապված հարցեր:
3.	Կարգավորման նպատակը և բնույթը
	Ծառայությունը շահառուին մոտեցնելու նպատակով, նախագծով նախատեսվում է սահմանել, որ շահառուն հավաստագիր ստանալու համար դիմում կարող է ներկայացնել նաև սոցիալական աջակցության տարածքային գործակալություն (բաժին)՝ ՍԱՏԳ(Բ): Հաշվի առնելով, որ հավաստագրեր տրամադրվելու են բոլոր աջակցող միջոցների համար (տարեկան կսպասարկվեն շուրջ 12 000 շահառու), երկարացվում են հավաստագիրը ձևավորելու և քաղաքացուն պատասխանելու ժամկետները: Նախագծով նախատեսվում է ուժը կորցրած ճանաչել այն դրույթները, որոնք առնչվում են թղթային մատյաններ վարելուն, քանի որ հավաստագրերի հաշվառումը, համարակալումը, գործերի վարումը իրականացվում է էլեկտրոնային համակարգերով: Նախագծով նախատեսվում է պրոթեզի կոշիկներ և բրդյա ու բամբակյա գուլպաներ տրամադրող կազմակերպությունների որակավորման չափանիշների մեջ մասնագիտական փորձառություն սահմանել նաև կոշիկների և գուլպաների վաճառքով զբաղվելու փորձառությունը, որը հնարավորություն ազատականացնել գուլպա և կոշիկ ձեռք բերելու գործընթացը: Նախագծով նաև սահմանվում է տրամադրված աջակցող միջոցների մակնշում կամ դաջվածք անելու պահանջ՝ մինչ շահառուին հանձնելը: Սա միտված է կազմակերպությունների կողմից չարաշահման դեպքերի կանխմանը: Դրան է միտված նաև այն դրույթը, որով նախատեսվում է, որ բուժատեխնիկական հանձնաժողովի անդամները պետք է գտնվեն կազմակերպությունում՝ աջակցող միջոցը տրամադրելու պահին: Հատակեցվում է նաև որոշման N 6 հավելվածով սահմանված լսողական սարքի անհրաժեշտության մասին տեղեկանքը:
4.	Նախագծի մշակման գործընթացում ներգրավված ինստիտուտները և անձինք
	Աշխատանքի և սոցիալական հարցերի նախարարություն
5.	Ակնկալվող արդյունքը
	Նախագծի ընդունման դեպքում ակնկալվում է շահառուներին աջակցող միջոցներ տրամադրելու ծառայությունների հասանելիության և կազմակերպությունների նկատմամբ վերահսկողության մեծացում,

Տ Ե Ղ Ե Կ Ա Ն Ք

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017 ԹՎԱԿԱՆԻ ՍԵՊՏԵՄԲԵՐԻ 7-Ի N 1151-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՍԵՊՏԵՄԲԵՐԻ 10-Ի N 1035-Ն ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ԱՅԼ ԻՐԱՎԱԿԱՆ ԱԿՏԵՐՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ԱՆՀՐԱԺԵՇՏՈՒԹՅԱՆ ԲԱՑԱԿԱՅՈՒԹՅԱՆ ՄԱՍԻՆ

Նախագծի ընդունմամբ այլ իրավական ակտերում լրացումներ և փոփոխություններ կատարելու անհրաժեշտություն չկա:

ՏԵՂԵԿԱՆՔ

ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ ԸՆԴՈՒՆՄԱՆ ԿԱՊԱԿՑՈՒԹՅԱՄԲ ՊԵՏԱԿԱՆ ԿԱՄ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄՆԻ ԲՅՈՒՋԵՈՒՄ ԵԿԱՄՈՒՏՆԵՐԻ ԵՎ ԾԱԽՍԵՐԻ ԷԱԿԱՆ ԱՎԵԼԱՑՄԱՆ ԿԱՄ ՆՎԱԶԵՑՄԱՆ ՄԱՍԻՆ

Նախագծի ընդունման կապակցությամբ պետական բյուջեում եկամուտների և ծախսերի ավելացումներ կամ պակասեցումներ չեն նախատեսվում:

project.old_project_time.text

22.04.2019 - 10.05.2019
project.type.title

Decision
project.area.title

Social welfare
project.ministry.title

Ministry of Labor and Social Affairs

project.send_email.title

project.email.info

project.views.title 7026

project.print.title

project.sentences.title

10.05.2019

Որոշում 1-ում առաջարկվող մակնշման կամ դաջվածքի մեխանիզմը ունի բազմաթիվ խնդիրներ: Նույնիսկ միայն պլաստիկից և մետաղյա սարքերի պարագայում դաջվածքը առաջացնում է տեխնիկական և էսթետիկ խնդիրներ: Աջակցող միջոցը դաջվածք կամ մակնշում անելու համար կազմակերպությունը պետք է ունենա համապատասխան սարքավորումներ կամ դիմի մի այլ կազմակերպությունը, որը հնարավոր է դաջվածք անելու ընթացքում վնասի աջակցող միջոցը: Մեխանիզմը կարող է հանգեցնել ոչ միայն աջակցող միջացի վնասվելուն, այլ նաև երկարացնի աջակցող միջացի տրամադրման գործընթացը: Առաջարկում ենք դաջվածքի փոխարեն սարքը մակնանշել QR կոդով: QR կոդը կպարունակի ամբողջ անհրաժեշտ ինֆորմացիան սարքի և տրամադրով կազմակերպության վերաբերյալ: QR կոդը հնարավոր է տեղադրել ինչպես սարքի վրա, այնպես էլ շահառուի անձնական քարտում սարքին էսթետիկ վնաս չհասցնելով: QR կոդի առավելություններից են ՝ ժամանականից լինելը, օգտագործման հեշտությունը, կեղծելու անհնարինությունը, ժամանակի խնայումը:

10.05.2019

Նախագծում առաջարկված կետն այն մասին, որ բուժտեխնիկական հանձնաժողովի անդամները պետք է գտնվեն կազմակերպությունուն՝ աջակցող միջոցը տրամադրելու պահին առաջացնում է որոշակի խնդիրներ: Բուժտեխնիկական հանձնաժողովի անդամների ներկա գտնվելը կազմակերպությունում աջակցող միջոցը տրամադրելու պահին առաջացնում է անդամների կազմակերպությունում յուրաքանչուր աշխատանային օր գտնվելու պահանջը: Հետևյալ որոշումը կարող է բերել կոռուպցիոն ռիսկերի, որոնք շատ դժվար կլինի կանխարգելել:

06.05.2019

«Էխո» հաշմանդամություն ունեցող անձանց իրավապաշտպան հասարակական կազմակերպությունը ողջունում է աջակցող միջոցների տրամադրման գործընթացում հավաստագրերի տրամադրման համակարգի ներդրումը, որը մի քանի քայլ առաջ է քան տենդերների միջոցով աջակցող սարքերի ձեռքբերման և տրամադրման գործընթացը: Այնուամենայնիվ մեր կազմակերպության կողմից կազմակերպված ֆոկուս-խմբային քննարկումների, շահառուների կողմից բարձրացված խնդիների և փորձագիտական աշխատանքների ընթացքում վեր են հանվել մի շարք խնդիրներ, որոնց լուծումը կարող է էականորեն հասցեկան ու նպատակային դարձնել պետական հավաստագրերով աջակցող միջոցների տրամադրման գործընթացը: «Էխո» հաշմանդամություն ունեցող անձանց իրավապաշտպան հասարակական կազմակերպության կողմից ներկայացվում են հետևյալ առաջարկությունները. -Հայաստանի Հանրապետության կառավարության 2015 թվականի սեպտեմբերի 10-ի «Վերականգնողական օգնության տրամադրման կարգը և պայմանները սահմանելու և Հայաստանի Հանրապետության կառավարության 2006 թվականի սեպտեմբերի 22-ի N 1369-Ն և 2007 թվականի ապրիլի 12-ի N 453-Ն որոշումներն ուժը կորցրած ճանաչելու մասին» N 1035-Ն որոշման մեջ (այսուհետ՝ Որոշում 2) կատարել հետևյալ փոփոխությունները և լրացումները 1) Որոշում 2-ի N 1 հավելվածի 15-րդ կետում «սարքերը» բառերից հետո լրացնել «, ձայնալարերի պրոթեզները» բառերը:

project.sentences.see_more