project.favorite.title

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ Ո Ր Ո Շ ՈՒ Մ «-------» -------------------2019 թվականի N ____- Լ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀԱԿԱՆ ՀԱՄԱԿԱՐԳԻ ՀՆԳԱՄՅԱ (2020-2025 ԹՎԱԿԱՆՆԵՐ) ԶԱՐԳԱՑՄԱՆ ՌԱԶՄԱՎԱՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

4 - project.vote.yes
0 - project.vote.no

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀԱԿԱՆ ՀԱՄԱԿԱՐԳԻ ՀՆԳԱՄՅԱ (2020-2025 ԹՎԱԿԱՆՆԵՐԻ) ԶԱՐԳԱՑՄԱՆ ՌԱԶՄԱՎԱՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ» ՀՀ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ

Իրավական ակտի ընդունման անհրաժեշտությունը

Հայաստանի Հանրապետության առողջապահության նախարարության կողմից, այդ թվում՝ միջազգային փորձագետների աջակցությամբ, մշակվել են բազմաթիվ նորմատիվային բնույթի փաստաթղթեր: Դրանց մի մասը տարբեր պատճառներով ամբողջությամբ հնարավոր չի եղել կյանքի կոչել կամ գտնվում է կատարման ընթացքում: Ոլորտի բարեփոխումների ընթացքում ծագել են նաև տարբեր խնդիրներ և խոչընդոտներ, որոնց մեծ մասը պայմանավորված է միասնական քաղաքականության բացակայությամբ:

Ընթացիկ իրավիճակը և տվյալ բնագավառում իրականացվող քաղաքականությունը

Վերջին երկու տասնամյակների ընթացքում իրականացված առողջապահական համակարգի վերափոխման գործընթացն ամրապնդելու և համակարգելու նպատակով, այնուամենայնիվ, պահանջվում են լրացուցիչ ջանքեր` բարելավելու համակարգի կառավարման և կառուցակարգային կարողություններն ինչպես կենտրոնական, այնպես էլ մարզային մակարդակներում, հնարավորինս հստակեցնելու և ամրապնդելու առողջապահության ոլորտի ֆինանսավորման գործառույթները` միջոցների առավել արդյունավետ ու համաչափ բաշխումը երաշխավորելու նպատակով, ապահովելու համապատասխան հիմնական ներուժի և ռեսուրսների (այդ թվում՝ մարդկային) առկայությունն առողջապահության համակարգի բոլոր օղակներում, ավարտին հասցնելու առողջապահական ծառայությունների ու հաստատությունների վերակազմավորման ոլորտում նախաձեռնված գործընթացները` միաժամանակ ազատվելով ոչ անհրաժեշտ տարածքային, մահճակալային, կադրային և այլ հզորություններից:

Կարգավորման նպատակը և բնույթը

«Հայաստանի Հանրապետության առողջապահական համակարգի հնգամյա (2020-2025 թվականների) զարգացման ռազմավարությունը հաստատելու մասին» ՀՀ կառավարության որոշման ընդունման նպատակն է սահմանել առաջիկա տարիների համար ոլորտի զարգացման ուղենիշները` ուղղված Հայաստանի Հանրապետությունում բնակչության առողջության պահպանմանը, հիվանդացության, հաշմանդամության և վաղաժամ մահացության նվազեցմանը, կյանքի որակի բարելավմանը և կյանքի միջին տևողության երկարաձգմանը:

Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ առողջապահության նախարարության Ս. Ավդալբեկյանի անվան առողջապահության ազգային ինստիտուտում ոլորտային փորձագետներից ձևավորված աշխատանքային խմբի կողմից:

Ակնկալվող արդյունքը

Ռազմավարության մեջ ներկայացված ուղղությունների և ծրագրերի իրականացման դեպքում 2020 թվականին նախատեսվում է հասնել նախանշված առողջության և առողջապահական համակարգի գործունեության ցուցանիշներին,

Սահմանված միջոցառումների արդյունքում, նկատի ունելով, որ առողջապահության համակարգը երկրի բնակչության բարեկեցության կայուն զարգացման անկյունաքարերից մեկն է, ակնկալվում է՝ ներդնելով ռազմավարությամբ նախատեսված միջոցառումները, պահպանել հանրային առողջությունը, ապահովել բժշկական օգնության մատչելիությունը, որակը և շարունակականությունը:

project.old_project_time.text

21.09.2019 - 07.10.2019
project.type.title

Decision
project.area.title

Healthcare
project.ministry.title

Ministry of Healthcare

project.send_email.title

project.email.info

project.views.title 8136

project.print.title

project.sentences.title

07.10.2019

Առաջարկում ենք նախագծում ամրագրել բժշկական ծառայությունների մատչելիության սկզբունքը՝ այդ կերպ ապահովելով Հանրապետությունում ապրող բոլոր անձանց (հաշմանդամություն ունեցող, գյուղաբնակ , ՄԻԱՎ/ՁԻԱՀ-ով ապրող, ԼԳԲՏ* եւ այլ) համար առանց խտրականության բժշկական ծառայությունների հասանելիությունը։

07.10.2019

Առաջարկում ենք նախագծում ներառել Հանրապետության ողջ տարարծքում բժշկական հաստատությունների բոլոր աշխատակիցների համար պարտադիր, պարբերաբար եւ շարունակական վերապատրաստումների անցկացում՝ այդ կերպ ապահովելով գենդերային հավասարության, խտրականությունից զերծ լինելու սկզբունքի ապահովման, բժշկական գաղտնիքի պահպանման, պացիենտի իրավուքների պաշտպանության միջավայրում բժշկական ծառայությունների մատուցումը։

07.10.2019

Նախագծի 4-րդ բաժնի 23-րդ կետում առաջարկում ենք որպես ռազմավարության հիմնարար սկզբունք ներառել բժշկական ծառայությունների մատչելիության սկզբունքը՝ այդ կերպ ապահովելով առանց խտրականության ծառայությունների հասանելիությունը Հանրապետությունում ՄԻԱՎ/ՁՒԱՀ-ով ապրող բոլոր անձանց համար, ովքեր իրենց կարգավիճակով պայմանավորված կրկնակի խտրականության են ենթարկվում նաեւ բժշկական հաստատություններում։

project.sentences.see_more