«Պետական կենսաթոշակների մասին» Հայաստանի Հանրապետության օրենքում փոփոխություններ կատարելու մասին» ՀՀ օրենքի նախագիծ

5 - project.vote.yes
0 - project.vote.no

Ներկայացվող նախագծի ընդունումը պայմանավորված է Սահմանադրական դատարանի 12.07.2019թ. ՍԴՈ-1475 որոշմամբ: Սահմանադրական դատարանի վերը նշված որոշմամբ Հայաստանի «Պետական կենսաթոշակների մասին» Հայաստանի Հանրապետության օրենքի 20-րդ հոդվածի 1-ին մասը՝ «հինգ տարվա ընթացքում» արտահայտության և «Եթե զինծառայողի հաշմանդամության առաջացման պատճառը կապված է զինվորական ծառայության ժամանակ՝ մինչև զինվորական ծառայությունից սահմանված կարգով արձակվելն ստացած վնասվածքի հետ, ապա զինծառայողին հաշմանդամության զինվորական կենսաթոշակ նշանակվում է անկախ հաշմանդամության պատճառական կապը սահմանելու (որոշելու) ժամկետից:» նախադասության մասով, ճանաչվել է Սահմանադրության 29-րդ հոդվածին հակասող և անվավեր:

Հաշվի առնելով վերը նշվածը` առաջարկվում է համապատասխան փոփոխություն կատարել «Պետական կենսաթոշակների մասին» ՀՀ օրենքում:

Ներկայացվող նախագծով առաջարկվում է «Պետական կենսաթոշակների մասին» ՀՀ օրենքի 20-րդ հոդվածի 1-ին մասը համապատասխանեցնել Սահմանադրական դատարանի վերը նշված որոշման պահանջներին:

Նախագիծն ընդունվելու դեպքում կավելանան հաշմանդամության զինվորական կենսաթոշակների ֆինանսավորմանն ուղղվող պետական բյուջեի ծախսերը: Հաշմանդամության զինվորական կենսաթոշակի չափը հաշվարկեու համար անհրաժեշտ համապատասխան ցուցանիշների (զինվորական ծառայությունից սահմանված կարգով արձակվելուց հետո` 5 տարի անց զինվորական ծառայության հետ հաշմանդամության (հիվանդության, խեղման) պատճառական կապ սահմանելու (որոշելու) համար դիմող նախկին զինծառայողների թվի և նրանց զբաղեցրած զինծառայության պաշտոնի և ունեցած զինվորական կոչման վերաբերյալ) կանխատեսման անհնարինության (բացակայության) պատճառով պետական բյուջեի լրացուցիչ ծախսերի գնահատականը տալ հնարավոր չէ:

Իրավական ակտի կիրառման արդյունքում «Պետական կենսաթոշակների մասին» ՀՀ օրենքի 20-րդ հոդվածը կհամապատասխանեցվի Սահմանադրական դատարանի 12.07.2019թ. ՍԴՈ-1475 որոշմանը:

project.old_project_time.text

19.08.2019 - 03.09.2019
project.type.title

Օրենք
project.area.title

Սոցիալական ապահովություն
project.ministry.title

Աշխատանքի և սոցիալական հարցերի նախարարութուն

project.send_email.title

project.email.info

project.views.title 6174

project.print.title

project.sentences.title

20.08.2019

Առաջարկում եմ նաև զինծառայողների կենսաթոշակների վերաբերյալ օրենքների փոփոխությունները քննարկելու դեպքում, նաև հաշվի առնել զոհված զինծառայողների այրիների թոշակի անցնելուց լինեն առավելություններ ։

20.08.2019

Իսկ զին ծառայության ընթացքում ձեռք բերված հիվանդության վերաբերյալ ուղղում չկա: Հոդվածում նշված է միայն վնասվածքը

19.08.2019

Նախագծի 2-րդ հոդվածի համաձայն՝ օրենքը տարածվում է 2019 թվականի հուլիսի 12-ին և դրանից հետո ծագած հարաբերությունների վրա: Արդյոք դա չի՞ նշանակում, որ մինչև 2019 թվականի հուլիսի 12-ը ծագած հարաբերությունները շարունակվելու են կարգավորվել հակասահմանադրական ճանաչված իրավանորմերով։

project.sentences.see_more