28.08.2019
«ՀԱՄԱՅՆՔԱՅԻՆ ԾԱՌԱՅՈՒԹՅԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ ՀՀ օրենքի նախագծի 1-ին հոդվածում պարզ չէ՝ 3-րդ հոդվածից ինչ է հանվում, իսկ եթե խոսքը 3-րդ հոդվածի նոր խմբագրության մասին է, ապա այն չի կարող նախագծում <<Հոդված 2>>-ով ձևակերպվել, որովհետև 3-րդ հոդվածի նոր խմբագրությունը պետք է շարադրվի նախագծի 1-ին հոդվածի մեջ և դրա բովանդակությամբ. Օրենքի նախագծում 3-րդ հոդվածի խմբագրությամբ առաջարկվող hասկացություններից՝ <<համայնքային ծառայություն>> հասկացությունը կրկնորդում և հակասում է <<Հանրային ծառայության մասին>> ՀՀ-206-Ն օրենքի 3-րդ հոդվածի 4-րդ մասին, որտեղ համայնքային ծառայության բնորոշումը այլ է. համայնքային ծառայությունը մասնագիտական գործունեություն է, որն ուղղված է Հայաստանի Հանրապետության օրենքներով և համապատասխան ավագանու որոշումներով տեղական ինքնակառավարման մարմիններին վերապահված լիազորությունների իրականացմանը, ինչով հակասում է <<Նորմատիվ իրավական ակտերի մասին>> ՀՀ օրենքի 13-րդ հոդվածի 8-րդ մասին, որի համաձայն՝ նորմատիվ իրավական ակտերում բացառվում են իրավական նորմերի անհիմն կրկնությունները և ներքին հակասությունները: Օրենքի նախագծի 4-րդ հոդվածում նոր խմբագրությամբ առաջարկվող 10-րդ հոդվածում մասերը համարակալել հերթական համարի կետերով՝ բացառելով առանց համարակալման մասի կամ պարբերության առկայությունը և օրինակ՝ <<1.1>> համարակալումը` հիմք ընդունելով <<Նորմատիվ իրավական ակտերի մասին>> ՀՀ օրենքի 14-րդ հոդվածի 7-րդ մասը: Օրենքի նախագծի 5-6-րդ հոդվածներում հանել ավելորդ համարակալումները:
