project.favorite.title

ԻՆՏԵԳՐՎԱԾ ԿԱԴԱՍՏՐԻ ՍՏԵՂԾՄԱՆ ՌԱԶՄԱՎԱՐԱԿԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ ՈՐՈՇՈՒՄ

3 - project.vote.yes
1 - project.vote.no

ՀԻՄՆԱՎՈՐՈՒՄ

«ԻՆՏԵԳՐՎԱԾ ԿԱԴԱՍՏՐԻ ՍՏԵՂԾՄԱՆ ՌԱԶՄԱՎԱՐԱԿԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ԸՆԴՈՒՆՄԱՆ

Ընթացիկ իրավիճակը և իրավական ակտի ընդունման անհրաժեշտությունը

«Ինտեգրված կադաստրի ստեղծման ռազմավարական ծրագիրը հաստատելու մասին» ՀՀ կառավարության որոշման նախագծի ընդունումը բխում է ՀՀ կառավարության 2019 թվականի մայիսի 23-ի «Ինտեգրված կադաստրի ստեղծման հայեցակարգը և հայեցակարգից բխող միջոցառումների ծրագիրը հաստատելու մասին» N 672-Լ որոշմամբ հաստատված N 2 հավելվածի 2-րդ կետով պայմանավորված առկա իրավական հենքի և իրականացված ծրագրերի գույքագրման, միջազգային փորձի ուսումնասիրման հիման վրա ռազմավարական ծրագրի մշակման անհրաժեշտությունից: Որոշման նախագծի ներկայացումը պայմանավորված է նաև ՀՀ կառավարության 2019 թվականի փետրվարի 8-ի «ՀՀ կառավարության ծրագրի մասին» N 65-Ա որոշմամբ հաստատված ծրագրի 1-ին բաժնի 4-րդ կետի (Ինտեգրված կադաստրի համակարգի ներդրումը և հասանելիության ապահովումը), ՀՀ կառավարության 2018 թվականի սեպտեմբերի 6-ի N 1030-Լ որոշման N 2 հավելվածի 279-րդ կետի, ՀՀ կառավարության 2019 թվականի մայիսի 16-ի «ՀՀ կառավարության 2019-2023 թվականների գործունեության միջոցառումների ծրագիրը հաստատելու մասին» N 650-Լ որոշմամբ հաստատված N 2 հավելվածի 330-րդ կետի 330.4 ենթակետի պահանջների կատարումն ապահովելու հանգամանքով:

Առաջարկվող կարգավորման բնույթը

ՀՀ կառավարության 2019 թվականի մայիսի 23-ի N 672-Լ որոշմամբ հաստատված է Ինտեգրված կադաստրի ստեղծման հայեցակարգը և հայեցակարգից բխող միջոցառումների ծրագիրը:

ՀՀ վարչապետի 2019 թվականի հուլիսի 26-ի N 1006-Ա որոշմամբ ստեղծված է միջգերատեսչական հանձնաժողով, հանձնաժողովի անհատական կազմը և աշխատակարգը:

Ինտեգրված կադաստրի ստեղծման բնագավառում իրականացվող քաղաքականությունն ուղղված է հայեցակարգի դրույթների պահանջների իրականացմանը, և Ինտեգրված կադաստրի ռազմավարական ծրագիրը անհրաժեշտ է ոլորտային գործընթացներում ներգրավված բոլոր շահագրգիռ կողմերի հետ համագործակցության համար:

Ակնկալվող արդյունքը

Որոշման ընդունման արդյունքում կհաստատվի Ինտեգրված կադաստրի ստեղծման ռազմավարական ծրագիրը՝ ապահովելով վերոնշյալ իրավական ակտերի պահանջների կատարումը:

Ինտեգրված կադաստրի համակարգի ներդրմամբ ակնկալվում են հետևյալ արդյունքները` ինքնաշխատ ամբողջական տեղեկատվական ռեսուրսի ստեղծում՝ փոխկապակցված տեղեկատվական փաստաթղթերի հիման վրա, տարածքների, տնտեսության, բնական պաշարների, բնապահպանական, քաղաքաշինական և այլ գործընթացների արագ և արդյունավետ կառավարում, իրական համաժամանակյա ռեժիմում փոխկապակցված, հավաստի տեղեկության միջոցով իրավիճակի համալիր վերլուծությամբ հիմնավորված որոշումների ընդունում՝ կրճատելով համաձայնեցումների գրավոր ձևերին տրամադրվող ժամանակը, ֆինանսական միջոցների և աշխատանքային ռեսուրսների խնայողություն, հասարակության իրազեկվածության մակարդակի բարձրացում, առաջավոր ինֆորմացիոն տեխնոլոգիաների և տեխնիկական միջոցների ներդրման արագություն և արդյունավետություն:

project.old_project_time.text

22.09.2020 - 07.10.2020
project.type.title

Որոշում
project.area.title

Կադաստր
project.ministry.title

Կադաստրի կոմիտե

project.send_email.title

project.email.info

project.views.title 4459

project.print.title

project.sentences.title

22.09.2020

Կարող են նախագծի հեղինակները հիմնավորել, թե ինչու պետք է տեղական ինքնակառավարման մարմինները ինտեգրված համակարգից օգտվելու համար վճարեն, որտեղ է տրամաբանությունը, գոնե իրենց վարչական տարածքների մասով համայնքները պետք է օգտվեն անվճար, ինչպես պետական մարմինները։ Առավել ևս, որ հենց համայնքներն են լինելու բազայի ստեղծման ու հետագա փոփոխությունների ներբեռնման աղբյուրները

project.sentences.see_more