project.favorite.title

«Դեղագործական արդյունաբերության զարգացման հնգամյա ռազմավարությունը հաստատելու մասին» Հայաստանի Հանրապետության Կառավարության որոշման նախագիծ

6 - project.vote.yes
1 - project.vote.no

Հայաստանի Հանրապետության տնտեսության մեջ ինչպես նախորդ տասնամյակում, այնպես էլ ներկայումս մեծ կարևորություն է տրվում դեղագործության ոլորտի զարգացմանը: Ոլորտն ունի ռազմավարական կարևոր նշանակություն, քանի որ այն ուղղակիորեն կապված է բնակչության առողջության պահպանման և պետական անվտանգության ապահովման հետ:

Դեղագործությունը ՀՀ կառավարության 2021 թվականի նոյեմբերի 18-ի «Հայաստանի Հանրապետության կառավարության 2021-2026 թվականների գործունեության միջոցառումների ծրագիրը հաստատելու մասին» 1902-Լ որոշմամբ հաստատվել է որպես արդյունաբերության զարգացման հինգ գերակա ոլորտներից մեկը:

Դեղագործությունը Հայաստանի արտահանման եզակի ոլորտներից է, որը գրանցել է արտահանման աճ գլոբալ ֆինանսական ճգնաժամի տարիներին: Ներկայումս արտահանման ընդլայնման տեսանկյունից նպաստավոր պայմաններ է ստեղծում նաև ԵԱՏՄ անդամակցությունը և մուտքը ԵԱՏՄ միասնական շուկա:

2021 թվականին դեղերի արտադրության ծավալների աճը 2011թ-ի համեմատությամբ կազմել է 178,6%, իսկ արտահանման ծավալների աճը՝ 103,6%:

Դեղագործական արդյունաբերության ոլորտը Հայաստանում կարելի է որակել որպես կայուն զարգացող, սակայն Հայաստանի Հանրապետության դեղագործական ընկերությունները զգալի ներդրումներ պետք է իրականացնեն արտադրական տարածքները և սարքավորումները կատարելագործելու, արտադրողականության բարձրացման, ինչպես նաև զարգացման նոր ուղղություններ հիմնելու ուղղությամբ։

Ոլորտի զարգացման կարևոր նախապայման է նաև արտահանման ներուժի զարգացումը, այդ թվում արտահանման շուկաների դիվերսիֆիկացումը։ Ոլորտի զարգացման հնարավորությունների շարքում կարելի է դասել նաև նոր դեղերի արտադրության կազմակերպումը, ինչը հնարավորություն կտա որոշակիորեն իրականացնել ներմուծման փոխարինում տեղական շուկայում, և օգտագործել տեղական գիտական մշակումները՝ թողարկելով նոր դեղեր արտահանման համար։

Ոլորտի զարգացման համար կարևոր խթան կհանդիսանա նաև պետական աջակցության տրամադրումը։

Ելնելով վերոգրյալից՝ անհրաժեշտ է դեղագործական արդյունաբերության ճյուղի զարգացման նոր ռազմավարական մոտեցումների ընդունումը և դրա իրագործումը։

project.old_project_time.text

25.10.2022 - 09.11.2022
project.type.title

Որոշում
project.area.title

Էկոնոմիկա, Տնտեսական
project.ministry.title

Էկոնոմիկայի նախարարություն

project.send_email.title

project.email.info

project.views.title 1656

project.print.title

project.sentences.title

08.11.2022

Հավելված N 1 VII Ռազմավարական ուղղություններ 9-րդ մաս․ Աջակցություն դեղագործության ոլորտի ենթակառուցվածքների ստեղծմանը Առաջարկում ենք «Դեղագործական արդյունաբերության զարգացման հնգամյա ռազմավարությունը» հաստատելու մասին ՀՀ կառավարության որոշման նախագծի Հավելված N 1-ի 9-րդ մասի՝ «Բիոտեխնոլոգիական կենտրոնի ստեղծում» միջոցառման շրջանակներում ակնկալվող ֆինանսական աջակցությունն առավել բովանդակային ներկայացնել՝ 9-րդ մասի վերջին պարբերությունը ձևակերպելով հետևյալ կերպ. (...) Նշված խոշոր ներդրումային ծրագրի իրագործմանը կնպաստի պետական գույք հանդիսացող շենքի տրամադրումը «Նոյմեդ» ընկերությանը՝ որպես սեփականություն, ընկերության կողմից իրականացվելիք ներդրումների դիմաց: Շենքը իր չափերով և կառուցվածքով պետք է բավարարի նախատեսված Բիոտեխնոլոգիական կենտրոնի ստեղծման համար անհրաժեշտ նվազագույն պայմաններին, «այն է հետևյալ բնութագրով և հատկանիշներով` 6000 ք.մ. – 10000 ք.մ. առանձնացված շենք/շինություն Երևան քաղաքում,  կոմունիկացիայի (գազ, ջուր, լույս) առկայությամբ,  չգտնվի վթարային վիճակում,  բարձահարկ շենքի դեպքում՝ հագեցած լինի վերելակներով,  եթե բազմահարկ շենք չլինի, ապա ունենա միմյանց աջակցող կցաշենքեր,  առնվազն 8000 ք.մ. շրջապատող հողատարածք՝ ավտոկայանատեղիների և կանաչ տարածությունների ապահովման համար՝ հաշվարկվսծ 800 սշխատողների սպասարկման համար: Բիոտեխնոլոգիական կենտրոնի գործարկում. Կենտրոնի գործարկման համար անհրաժեշտ է ոչ միայն շենք, այլև ֆինանսական միջոցներ (Բիոտեխնոլոգիական կենտրոնի գործարկման համար անհրաժեշտ ծախսերի սուբսիդավորում)՝ շենքի բարելավումների իրականացման, համապատասխան պայմանների ստեղծման, մարդկային ռեսուրսների ձևավորման և տեխնոլոգիաների ներդրման համար։

08.11.2022

Հավելված N 2 Միջոցառումների ծրագիր 1. Օրենսդրական դաշտի բարեփոխումներ. «Միջոցառման անվանումը»՝ Հարկադիր լիցենզավորման մեխանիզմների ներդրում, առաջարկում ենք փոփոխել. Հարկադիր լիցենզավորման մեխանիզմների փոփոխություն: «Նպատակը»՝ Հարկադիր լիցենզավորման իրավական հիմքերի փոփոխություն, հաշվի առնելով, որ «Արտոնագրերի մասին» ՀՀ օրենքում արդեն իսկ նախատեսված են հարկադիր լիցենզավորման վերաբերյալ կարգավորումներ, որոնք ենթակա են լրացման և (կամ) փոփոխության: Կատարման պատասխանատու մարմինների շարքում կարելի է ներառել նաև ՀՀ արդարադատության նախարարությանը, հաշվի առնելով, որ օրենսդրական բարեփոխումը նախատեսում է համապատասխան փոփոխություն և լրացում «Արտոնագրերի մասին» ՀՀ օրենքում:

08.11.2022

Հավելված N 2 2. Համապատասխան մասնագիտական կադրերի ապահովում, դեղագործական արդյունաբերության մեջ աշխատանքի արտադրողականության բարձրացում. 1. Դեղագործության ոլորտում բուհական ծրագրերի շարունակական արդիականացում. Անհրաժեշտ ենք համարում «Միջոցառման անվանում» սյունյակը լրացնել հետևյալ կերպ՝ Դեղագործության ոլորտում բուհական ծրագրերի շարունակական արդիականացում, դեղագործական հմտությունների զարգացման ծրագրի մշակում և իրականացում. «Նպատակ» սյունյակը լրացնել հետևյալ կերպ՝ Բուհական ծրագրերի համապատասխանությունը շուկայի պահանջներին, գործնական հմտությունների զարգացում: «Ֆինանսավորման աղբյուրը և չափը» կարծում ենք կարող է սահմանվել՝ տարեկան 5 մլն դրամ: «Միջոցառման արդյունք» սյունյակը կարող է լրացվել հետևյալ կերպ. Բուհ - մասնավոր հատված համագործակցության հուշագրերի կնքում, գործնական հմտությունների զարգացման ծրագրի առկայություն: ՀԻՄՆԱՎՈՐՈՒՄ Կրթական ծրագրերի արդիականացմանը զուգահեռ կարող է առաջանալ անհրաժեշտություն բարձր առաջադիմություն դրսևորած ուսանողների համար մշակելու և անցկացնելու գործնական հմտությունների զարգացման դասընթաց, որն ավարտելուն պես վերջիններս ձեռք կբերեն այն հիմնական հմտությունները, որոնք անհրաժեշտ են աշխատանքում, ինչն էլ հնարավորություն կընձեռի դասընթացն ավարտելուն պես աշխատանքի անցնելու դեղագործական ընկերություններում, միաժամանակ ընկերությունները ևս կապահովվեն պատրաստի մասնագիտական կադրերով:

project.sentences.see_more