project.favorite.title

Լրամշակվող

«ԱՐՀԵՍՏԱԿՑԱԿԱՆ ՄԻՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ ՀՀ ՕՐԵՆՔԻ ՆԱԽԱԳԻԾ

4 - project.vote.yes
2 - project.vote.no

ՆԱԽԱԳԻԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՕՐԵՆՔԸ

«ԱՐՀԵՍՏԱԿՑԱԿԱՆ ՄԻՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1․ «Արհեստակցական միությունների մասին» 2000 թվականի դեկտեմբերի 5-ի ՀՕ-135 օրենքի (այսուհետև՝ Օրենք) 2-րդ հոդվածը շարադրել հետևյալ խմբագրությամբ.

«1. Սույն օրենքում օգտագործվող հիմնական հասկացությունները՝

1) Արհեստակցական միություն՝ արհեստակցական կազմակերպություն կամ արհեստակցական կազմակերպությունների միություն.

2) արհեստակցական կազմակերպություն` անկախ հասարակական միավորում, որն օրենքով սահմանված կարգով և ազատ կամքի դրսևորումով միավորում է աշխատողներին` իրենց աշխատանքային ու դրա հետ կապված մասնագիտական, տնտեսական, սոցիալական իրավունքներն ու շահերը ներկայացնելու և աշխատանքային հարաբերություններում դրանք պաշտպանելու նպատակով.

3) արհեստակցական կազմակերպությունների միություն` ոչ առևտրային կազմակերպության կարգավիճակ ունեցող հասարակական միավորում, որն օրենքով սահմանված կարգով միավորում է երկու և ավելի արհեստակցական կազմակերպությունների` աշխատողների աշխատանքային ու դրա հետ կապված մասնագիտական, տնտեսական և սոցիալական իրավունքներն ու շահերը ներկայացնելու և աշխատանքային հարաբերություններում դրանք պաշտպանելու նպատակով.

4) արհեստակցական կազմակերպությունների տարածքային միություն` ոչ առևտրային կազմակերպության կարգավիճակ ունեցող հասարակական միավորում, որը միավորում է որոշակի տարածքում (մարզում կամ քաղաքում կամ որևէ առանձնահատկությամբ առանձնացված տարածքում) գործող արհեստակցական միությունների, որոնց անդամագրված են տվյալ տարածքի առավելագույն թվով աշխատողներ` տվյալ տարածքի գործատուների միության, տեղական ինքնակառավարման և պետական կառավարման տարածքային մարմինների հետ փոխհարաբերություններում աշխատողների աշխատանքային ու դրա հետ կապված մասնագիտական, տնտեսական և սոցիալական իրավունքներն ու շահերը ներկայացնելու և աշխատանքային հարաբերություններում դրանք պաշտպանելու նպատակով.

5) արհեստակցական կազմակերպությունների ճյուղային հանրապետական միություն` ոչ առևտրային կազմակերպության կարգավիճակ ունեցող հասարակական միավորում, որը միավորում է տնտեսության (արտադրության, ծառայության, մասնագիտության) համապատասխան ճյուղում (հարակից ճյուղերում) գործող արհեստակցական միությունների, որոնց անդամագրված են տվյալ ճյուղի առավելագույն թվով աշխատողներ` գործատուների համապատասխան ճյուղային միությունում, տեղական ինքնակառավարման և պետական կառավարման հանրապետական մարմիններում տնտեսության տվյալ ճյուղի աշխատողների աշխատանքային ու դրա հետ կապված մասնագիտական, տնտեսական և սոցիալական իրավունքներն ու շահերը ներկայացնելու և աշխատանքային հարաբերություններում դրանք պաշտպանելու նպատակով.

6) արհեստակցական կազմակերպությունների հանրապետական միություն` ոչ առևտրային կազմակերպության կարգավիճակ ունեցող հասարակական միավորում, որը միավորում է արհեստակցական կազմակերպությունների ճյուղային հանրապետական միությունների, որոնց անդամագրված են հանրապետությունում գործող արհեստակցական միությունների առավելագույն թվով անդամներ, Հայաստանի Հանրապետության կառավարության և գործատուների հանրապետական միության հետ փոխհարաբերություններում աշխատողների աշխատանքային ու դրա հետ կապված մասնագիտական, տնտեսական և սոցիալական իրավունքներն ու շահերը ներկայացնելու և աշխատանքային հարաբերություններում դրանք պաշտպանելու նպատակով.

7) աշխատող` օրենքով աշխատելու իրավունք ունեցող ֆիզիկական անձ, որն աշխատանքային պայմանագրի հիման վրա գործատուի օգտին կատարում է որոշակի աշխատանք՝ ըստ որոշակի մասնագիտության, որակավորման կամ պաշտոնի, ինչպես նաև Հայաստանի Հանրապետության օրենքներով սահմանված դեպքերում և կարգով օրինական հիմքերով առանց աշխատանքային պայմանագրի աշխատանքային գործունեություն ծավալող անձինք (այսուհետ՝ աշխատող)

8) գործատու՝ աշխատանքային պայմանագրի հիման վրա կամ օրենքով սահմանված կարգով քաղաքացիների աշխատանքն օգտագործող աշխատանքային իրավունակություն և գործունակություն ունեցող իրավաբանական անձ` անկախ կազմակերպական-իրավական և սեփականության ձևից, գործունեության բնույթից և տեսակից և ֆիզիկական անձ, ինչպես նաև օրենսդրությամբ սահմանված դեպքերում աշխատանքային պայմանագիր կնքելու իրավունք ունեցող այլ սուբյեկտ (պետական կամ տեղական ինքնակառավարման մարմին, հիմնարկ, առանձնացված ստորաբաժանում և այլն).

9) արհեստակցական միության մասնակից (անդամ)` անձ, որը կամավորության սկզբունքով մասնակից է դարձել (անդամագրվել է) արհեստակցական միությանը` վերջինիս կանոնադրության համաձայն:

Հոդված 2. Օրենքի 6-րդ հոդվածում՝

1) 1-ին և 2-րդ մասերը շարադրել հետևյալ խմբագրությամբ.

«Արհեստակցական կազմակերպության մասնակիցներ (անդամներ) կարող են լինել տվյալ գործատուի սույն օրենքի իմաստով աշխատողները, Հայաստանի Հանրապետության տարածքում կամ Հայաստանի Հանրապետության տարածքից դուրս, այդ թվում` օտարերկրյա քաղաքացիներն ու քաղաքացիություն չունեցող անձինք:

Արհեստակցական կազմակերպության մասնակիցներ (անդամներ) կարող են լինել նաև տնտեսության (արտադրության, ծառայության, մասնագիտության) համապատասխան ճյուղում (հարակից ճյուղերում) տարբեր գործատուների մոտ աշխատողները։».

2) 5-րդ մասից հանել «, ինչպես նաև դատավորները և Սահմանադրական դատարանի դատավորները» բառերը։

Հոդված 3. Օրենքի 9-րդ հոդվածի «թ)» ենթակետում վերջակետը փոխարինել ստորակետով և հոդվածը լրացնել հետևյալ բովանդակությամբ նոր՝ «ժ)» ենթակետով.

«ժ) Գործունեության, սեփականության օգտագործման տարեկան հաշվետվության ներկայացման կարգը։»։

Հոդված 4. Օրենքի 16-րդ հոդվածում՝

1) 4-րդ և 7-րդ մասերում «հետ աշխատանքային պայմանագիր կնքած» բառերը փոխարինել «մոտ» բառով.

2) 5-րդ մասում «հետ աշխատանքային պայմանագրեր կնքած» բառերը փոխարինել «մոտ» բառով.

3) 8-րդ մասում «համաձայնագիր» բառը փոխարինել «կոլեկտիվ պայմանագիր» բառերով։

Հոդված 5. Օրենքի 19-րդ հոդվածում՝

1) վերնագրում «միջնորդագիր» բառից հետո լրացնել «և բողոք» բառերը.

2) «(անգործություն)» բառից հետո լրացնել «դատական կարգով» բառերը:

Հոդված 6. Օրենքի 24-րդ հոդվածը շարադրել հետևյալ նոր խմբագրությամբ.

«Արհեստակցական կազմակերպության անդամի դիմումի առկայության դեպքում գործատուն, արհեստակցական կազմակերպության կանոնադրությամբ կամ կոլեկտիվ պայմանագրով սահմանված կարգով ու ժամկետում, կազմակերպում է արհմիութենական անդամավճարի գանձումը և փոխանցումը արհեստակցական կազմակերպության բանկային հաշվի համարին»:

Հոդված 7. Օրենքի 25-րդ հոդվածում՝

1) «աշխատանքի պետական տեսուչի» բառերը փոխարինել «աշխատողների ներկայացուցչական մարմնի» բառերով.

2) «(համաձայնագրով)» բառերը հանել։

Հոդված 8. Օրենքի 28-րդ հոդվածի 2-րդ մասի «տարեկան հաշվետվությունը» բառերից հետո հետո լրացնել «՝ կանոնադրությամբ նախատեսված կարգով» բառերով։

Հոդված 9. Եզրափակիչ մաս և անցումային դրույթներ

1. Սույն օրենքն ուժի մեջ է մտնում պաշտոնական հրապարակման օրվանից վեց ամիս հետո։

2. Սույն օրենքն ուժի մեջ մտնելու օրվանից հետո՝ մեկ տարվա ընթացքում բոլոր արհեստակցական միությունների կանոնադրություններն անհրաժեշտ է համապատասխանեցնել սույն օրենքին։

project.download.as_word project.download.as_pdf

project.old_project_time.text

30.11.2022 - 16.12.2022
project.type.title

Օրենք
project.area.title

Աշխատանք և զբաղվածություն
project.ministry.title

Աշխատանքի և սոցիալական հարցերի նախարարութուն

project.send_email.title

project.email.info

project.views.title 1684

project.print.title

project.sentences.title

15.12.2022

Օրենքի հոդված 3-ը առաջարկում ենք շարադրել հետևյալ կերպ. «Հոդված 3. Արհմիության գործունեության հիմնական սկզբունքները ——— Արհմիության գործունեության հիմնական սկզբունքներն են` 1. պետական մարմիններից, տեղական ինքնակառավարման մարմիններից, գործատուներից, քաղաքական, հասարակական և այլ կազմակերպություններից անկախությունը. 2. ժողովրդավարությունը 3. միասնականությունը 4. անդամների իրավահավասարությունը:» **************************************************************** Հիմնավորում. միասնականությունն ու ժողովրդավարությունը արհմիության գործունեության արդյունավետության կարևորագույն սկզբունքներն են, որոնց բացակայությունը բերում է արհմիությունների պառակտմանն ու անհաջողությանը։

15.12.2022

Օրենքի Հոդված 6-ում 2-րդ մասը շարադրել հետևյալ կերպ. «Արհեստակցական կազմակերպության մասնակիցներ (անդամներ) կարող են լինել նաև տնտեսության (արտադրության, ծառայության, մասնագիտության) համապատասխան ճյուղում (հարակից ճյուղերում) տարբեր գործատուների մոտ աշխատողները անկախ աշխատանքային պայմանագրի առկայության հանգամանքից» **************************************************************** Հիմնավորում. hաշվի առնելով, որ երկրում դեռ առկա է ոչ ֆորմալ և ոչ ավանդական զբաղվածությունը և միշտ չէ, որ աշխատանք կատարող անձանց հետ կնքվում է աշխատանքային պայմանագիր, իսկ առանց աշխատանքային պայմանագրի առկայության աշխատանքային հարաբերությունները միշտ չէ, որ ձևակերպված կամ կարգավորված են ներկայիս օրենսդրությամբ, օրենքի առկա ձևակերպումը սահմանափակում է տնտեսության մեջ ներգրաված տարբեր տիպի աշխատողների ինքնակազմակերպման իրավունքը և միավորման ազատությունը: Տես՝ մեր առաջարկների Հոդված 2-ի փոփոխության վերաբերյալ հիմնավորման 4-րդ մասը։

15.12.2022

Հոդված 6-ում 5-րդ պարբերությունը հանել: ************************************************ Հիմնավորում․ Օրենքի 5-րդ պարբերությունը համապատասխանում էր նախկինում գործող ՀՀ Սահմանադրության հոդված 28-ին, որով սահմանվում էր «արհեստակցական միություններ ստեղծելու և դրանց անդամագրվելու իրավունքներն օրենքով սահմանված կարգով կարող են սահմանափակվել զինված ուժերի, ոստիկանության, ազգային անվտանգության, դատախազության մարմինների ծառայողների, ինչպես նաև դատավորների և սահմանադրական դատարանի անդամի նկատմամբ։ Վերոնշյալ կարգավորումը Սահմանադրությունից հանվել է, հետևաբար պետք է հանվի նաև «Արհեստակցական միությունների մասին» ՀՀ օրենքից։

project.sentences.see_more