project.favorite.title

Պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցում վճարելու կարգը և չափերը սահմանելու մասին

1 - project.vote.yes
6 - project.vote.no

ՏԵՂԵԿԱՆՔ-ՀԻՄՆԱՎՈՐՈՒՄ

<<Պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցում վճարելու կարգը և չափերը սահմանելու մասին>> ՀՀ կառավարության որոշման նախագծի ընդունման

Իրավական ակտի ընդունման անհրաժեշտությունը

Որոշման նախագծի ընդունումը պայմանավորված է <<Զինվորական ծառայության և զինծառայողի կարգավիճակի մասին>> ՀՀ օրենքի 65-րդ հոդվածի 1-ին մասի պահանջների համաձայն՝ պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցում վճարելու հետ կապված հարաբերությունները սահմանելու անհրաժեշտությամբ: Որոշման նախագծի ընդունումը բխում է նաև ՀՀ վարչապետի 22.02.2018թ. N 168-Ա որոշմամբ հաստատված ցանկի 17-րդ կետի կատարումն ապահովելու անհրաժեշտությունից:

Ընթացիկ իրավիճակը և խնդիրները

Նախկին <<Զինծառայողի և նրանց ընտանիքների անդամների սոցիալական ապահովության մասին>> ՀՀ օրենքով սահմանված զինծառայողների բնակարանային ապահովության շրջանակներում բնակելի տարածությունների վարձակալության դիմաց զինծառայողին դրամական փոխհատուցում վճարելու կարգը և պայմանները սահմանված էին ՀՀ կառավարության 2000թ. Նոյեմբերի 27-ի Ն 778 որոշմամբ: Քանի որ գործող <<Զինվորական ծառայության և զինծառայողի կարգավիճակի մասին>> ՀՀ օրենքի 65-րդ հոդվածով համապատասխան դրամական փոխհատուցում ստանալու իրավունքի մասով հստակեցվել են մի շարք պայմաններ և զինծառայողի ընտանիքի կազմը, անհրաժեշտություն է առաջացել բնակելի տարածությունների վարձակալության դիմաց զինծառայողին դրամական փոխհատուցում վճարելու հետ կապված հարաբերությունները սահմանել նոր ակտով:

Տվյալ բնագավառում իրականացվող քաղաքականությունը

Ոլորտում իրականացվող քաղաքականությունն ուղղված է ապահովելու զինծառայողների բնակարանային ապահովության իրավունքի լիարժեք իրացումը:

Կարգավորման նպատակը և բնույթը

Որոշման նախագծի համաձայն սահմանվում են պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցում վճարելու հետ կապված հարաբերությունները: Փոխհատուցման չափի որոշման հիմքում դրվել են պայմանագրային զինծառայողի ընտանիքի անդամների քանակի և բնակելի տարածության վարձակալության վայրի սկզբունքները, փոխհատուցման իրավունքը և վճարումը դադարեցնելու պայմանները:

Նախագծի մշակման գործընթացում ներգրավված ինստիտուտները և անձինք

Նախագիծը մշակվել է ՀՀ պաշտպանության նախարարության կողմից:

Ակնկալվող արդյունքը

Որոշման նախագծի ընդունմամբ կապահովվի պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցում տրամադրելու գործընթացի պատշաճ կազմակերպումը և իրականացումը:

ՏԵՂԵԿԱՆՔ

<<Պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցում վճարելու կարգը և չափերը սահմանելու մասին>> ՀՀ կառավարության որոշման նախագծի ընդունման կապակցությամբ այլ իրավական ակտերում փոփոխություններ և լրացումներ կատարելու վերաբերյալ

Որոշման նախագծի ընդունման կապակցությամբ համապատասխան մարմնի ղեկավարի հրամանով ստեղծվելու է բնակարանային հարցերով զբաղվող հանձնաժողով և հաստատվելու է այդ հանձնաժողովի կազմն ու աշխատակարգը:

ՏԵՂԵԿԱՆՔ

<<Պայմանագրային զինծառայողին ծառայության վայրում ծառայողական բնակարանով չապահովվելու դեպքում այլ բնակելի տարածություն վարձակալելու դիմաց դրամական փոխհատուցում վճարելու կարգը և չափերը սահմանելու մասին>> ՀՀ կառավարության որոշման նախագծի ընդունման կապակցությամբ ՀՀ պետական բյուջեի ծախսերի կամ եկամուտների ավելացման կամ նվազեցման վերաբերյալ

Որոշման նախագծի ընդունումը ՀՀ 2018թ. և հետագա տարիների պետական բյուջեներում լրացուցիչ ծախսերի անհրաժեշտությունը չի առաջացնում:

ՏԵՂԵԿԱՆՔ

Որոշման նախագիծը տեղադրվել է իրավական ակտերի նախագծերի հանրային քննարկման համար նախատեսված միասնական կայքում:

project.old_project_time.text

12.06.2018 - 27.06.2018
project.type.title

Որոշում
project.area.title

Անվտանգություն
project.ministry.title

Պաշտպանության նախարարություն

project.send_email.title

project.email.info

project.views.title 9574

project.print.title

project.sentences.title

20.06.2018

Համաձայն եմ Վարդան Հակոբյանի հետ՝ «և 18 տարին չլրացած» արտահայտության հետ կապված: Առաջարկում եմ զինծառայողների հետ կապված բոլոր փաստաթղթերում զինծառայողի անդամ համարել տվյալ պահին նրա հետ համատեղ բնակվող հարազատներին՝ (կին, երեխաներ, ծնողներ)՝ առանց տարիքային սահմանափակման:

18.06.2018

6.-րդ հոդվածի հանձնաժողովի նիստերի գումարման ժամկետները սահմանել ոչ թե երկու ամիս, այլ մեկ ամիս: Գործնականում, փորձը ցույց է տալիս, որ 2-3 ամիսը մեկ են հանձնաժողովի նիստ գումարում: Իսկ այս տարի առաջին նիստը ապրիլին թե մայիսին էր եղել: Զինծառայողը ի վիճակի՞ է 4-5-6 ամիս առանց փոխհատուցման վճարման 80000-100000 դրամ տան վարձ տա՞լ

18.06.2018

Նախագծի 3-րդ հոդվածի 1-ին ենթակետից հանեք «և 18 տարին չլրացած» բառերը: Երեխաները, անկախ տարիքից, մինչև ամուսնանալն էլ երեխաներ են: Ո՞ր հայկական ընտանիքում են 18 տարեկան, ԲՈՒՀ չընդունված երեխային տանից դուրս անու՞մ: Աշխատանքը լցվել է, բոլոր 18 տարեկանները աշխատանք են գտնում ու աշխատում....

project.sentences.see_more