ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՄԱՐՏԻ 19-Ի N 596-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

8 - project.vote.yes
0 - project.vote.no

«Հայաստանի Հանրապետության կառավարության 2015 թվականի մարտի 19-ի N 596-Ն որոշման մեջ փոփոխություններ կատարելու մասին» Հայաստանի Հանրապետության կառավարության որոշման նախագծի մշակման անհրաժեշտությունը պայմանավորված է գործարար միջավայրի բարելավմանն ուղղված աշխատանքներով։

1) Ներկայումս ավարտված շինարարական օբյեկտի՝ հաստատված նախագծին և նորմատիվատեխնիկական փաստաթղթերի պարտադիր պահանջներին համապատասխանությունը հավաստվում է ընդունող հանձնաժողովի ակտով: Ընդունող հանձնաժողովի կազմում ներգրավվում են կառուցապատողի, կապալառուի, տեխնիկական հսկողություն և օրենքով կամ պայմանագրով նախատեսված դեպքերում` հեղինակային հսկողություն իրականացնող անձինք, Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնի համապատասխան տարածքային բաժնի, մատակարար կազմակերպությունների, ինչպես նաև օրենքով համապատասխան վերահսկողական իրավասություններով օժտված այլ շահագրգիռ պետական մարմինների և իրավասու մարմնի ներկայացուցիչները:

Վերոգրյալ հավաստումը ստանալու համար վերոնշյալ յուրաքանչյուր անձին կառուցապատողը պետք է դիմի ինքնուրույն՝ այդ թվում՝ ՏԻՄ։

Ավարտական ակտ ձևակերպելու համար կարուղապատողը պետք է դիմի ՏԻՄ ներկայացնելով նաև ընդունող հանձնաժողովի ակտը։

Այս առումով առաջարկվում է սահմանել այնպիսի ընթացակարգ, ըստ որի կառուցապատողը ավարտական ակտի հանձնաժողով ձևավորելու նպատակով կդիմի ՏԻՄ։ Վերջինս կձևավորի ընդունող հանձնաժողով և փաստագրումը կիրականացվի մեկ այցելությամբ բոլոր ներկայացուցիչների մասնակցությամբ։

2) Միաժամանակ, ներկայումս ավարտական ակտը տրվում է կառուցապատողին կառուցված շինության պետական գրանցմանը ներկայացնելու նպատակով։ Առաջարկվում է սահմանել որ ավարտական ակտը հաստատվելուց հետո անմիջապես այն ՏԻՄ-ի կողմից ներկայացվի ՀՀ անշարժ գույքի կադաստրի կոմիտե սեփականության գրանցման համար՝ առանց կառուցապատողի կողմից վերջինիս դիմելու։

project.old_project_time.text

01.04.2019 - 16.04.2019
project.type.title

Pешение
project.area.title

Градостроителство, Экономика, Экономическая
project.ministry.title

Министерство экономики
project.discussion_date.title

16.04.2019
project.discussion_address.title

Որոշում

project.send_email.title

project.email.info

project.views.title 6927

project.print.title

project.sentences.title

02.04.2019

Ընդհանուր առմամբ ողջունում եմ նման նախաձեռնությունը փաստաթղթաշրջանառությունը թեթևացնելու և <<մեկ պատուհանի>> մեթոդի ներդնելու։ Այդուհանդերձ, առաջարկում եմ <<օբյեկտի հիմնական ցուցանիշները>> բաժնում լրացնելու համար ավելի կոնկրետ կետեր նախատեսել։ Օրինակ, թեկուզ հենց էներգետիկ օբյեկտների դեպքում պետք է լրացվեն նաև ագրեգատների քանակը, ՀԷԿ-երի դեպքում՝ խողովակաշարի երկարությունը, տրամագիծը։ Ընդհանուր բոլոր դեպքերում՝ շինությունների չափսերը, հարկերի քանակը, և այլն։ Հիմնական ցուցանիշները բաժինը չպետք է տարընկալման և բազմակի մեկնաբանման տեղիք թողնի։ Ներկայումս հստակ կարգավորում սահմանված չլիենլու պատճառով առաջանում են որոշակի տարընկալումներ:

project.sentences.see_more