project.favorite.title

«Վարչական իրավախախտումների վերաբերյալ Հայաuտանի Հանրապետության օրենսգրքում լրացումներ և փոփոխություններ կատարելու մասին» Հայաստանի Հանրապետության օրենք

0 - project.vote.yes
2 - project.vote.no

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

ՎԱՐՉԱԿԱՆ ԻՐԱՎԱԽԱԽՏՈՒՄՆԵՐԻ ՎԵՐԱԲԵՐՅԱԼ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՍԳՐՔՈՒՄ ԼՐԱՑՈՒՄՆԵՐ ԵՎ

ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. Վարչական իրավախախտումների վերաբերյալ Հայաստանի Հանրապետության 1985 թվականի դեկտեմբերի 6-ի օրենսգրքում (այսուհետ` Օրենսգիրք) կատարել հետևյալ լրացումները և փոփոխությունները.

1) Օրենսգրքի 37-րդ հոդվածը լրացնել 10-րդ մասով հետևյալ բովանդակությամբ.

«10. «Վարչարարության հիմունքների և վարչական վարույթի մասին» օրենքով սահմանված կարգով և ժամկետներում վարչական վարույթը կասեցվելու կամ երկարաձգվելու դեպքում կասեցման կամ երկարաձգման ժամկետները չեն հաշվարկվում (ներառվում) սույն հոդվածով նախատեսված վարչական տույժ նշանակելու ընդհանուր ժամկետների մեջ:»,

2) Օրենսգրքի 170³-րդ հոդվածի վերնագրում և 1-ին պարբերությունում «Հարկերը, տուրքերը և օրենքով սահմանված պարտադիր այլ վճարումները» բառերը փոխարինել «Պետական և տեղական հարկերը, պետական և տեղական վճարները (բացառությամբ տեղական տուրքի), պետական բյուջե վճարվող օրենքով սահմանված այլ պարտադիր վճարները» բառերով,

3) Օրենսգրքի 219¹-ին հոդվածի 2-րդ պարբերությունը «գործերը» բառից հետո լրացնել «, ինչպես նաև 170³ հոդվածով նախատեսված տեղական հարկերը և տեղական վճարները (բացառությամբ տեղական տուրքի) սահմանված ժամկետներում չվճարելու վերաբերյալ գործերը» բառերը,

4) Օրենսգրքի 244²-րդ հոդվածում «170²» թվից հետո հանել «170³,» թիվը և «շրջանակներում» բառից հետո լրացնել «, ինչպես նաև 170³ հոդվածով նախատեսված պետական հարկերը և պետական վճարները, պետական բյուջե վճարվող օրենքով սահմանված այլ պարտադիր վճարները սահմանված ժամկետներում չվճարելու վերաբերյալ գործերը» բառերը,

5) Օրենսգրքի 246-րդ հոդվածը լրացնել 3-րդ պարբերությամբ հետևյալ բովանդակությամբ.

«Վարչական վարույթը կարող է կասեցվել կամ երկարաձգվել «Վարչարարության հիմունքների և վարչական վարույթի մասին» օրենքով սահմանված դեպքերում և ժամկետներով:»:

Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող օրը:

project.old_project_time.text

27.08.2021 - 11.09.2021
project.type.title

Закон
project.area.title

Государственные доходы
project.ministry.title

Комитет государственных доходов

project.send_email.title

project.email.info

project.views.title 2871

project.print.title

project.docs.title

project.sentences.title

project.sentences.see_more