project.favorite.title

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

2 - project.vote.yes
1 - project.vote.no

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ»

ՕՐԵՆՔԻ ՆԱԽԱԳԾԻ ԸՆԴՈՒՆՄԱՆ ԱՆՀՐԱԺԵՇՏՈՒԹՅԱՆ ՄԱՍԻՆ

Իրավական ակտի ընդունման անհրաժեշտությունը.

ՀՀ Հարկային օրենսգրքով կազմակերպությունների համար անշարժ գույքի հարկի հաշվարկման և վճարման համար հաշվետու ժամանակաշրջան է համարվում յուրաքանչյուր հաշվետու տարին, իսկ վճարման ժամանակահատվածը՝ մինչև հարկային տարվա դեկտեմբերի 1-ը ներառյալ, նշվածը որոշակի խնդիրներ է ստեղծում համանքային բյուջեի եկամտային մասի պլանավորման ժամանակ, հաշվի առնելով, որ կազմակերպությունների մեծ մասը անշարժ գույքի գծով իրենց պարտավորությոնները կատարում են 4-րդ եռամսյակում, որից ելնելով առաջանում է օրենսդրական փոփոխություններ կատարելու անհրաժեշտություն:

Առկա խնդիրների առաջարկվող լուծումները և կարգավորման առարկան.

Անշարժ գույքի հարկի գծով ընթացիկ պարտավորությունները կազմում են համայնքի սեփական եկամուտների մեծ մասը, իսկ կազմակերպությունների պարտավորությունները այդ պարտավորությունների կառուցվածքում մեծ դեր ունեն, հաշվի առնելով, որ ի տարբերություն ֆիզիկական անձանց համեմատաբար միանվագ մեծ գումարների հոսք են ապահովում համայնքի բյուջե, որից ելնելով համայնքի բյուջեի եկամտային մասի պլանավորման և կատարման ժամանակ որոշակի խնդիրներ են առաջանում պայմանավորված այն հանգամանքով, որ գործող ՀՀ Հարկային օրենսգրքի 232-րդ հոդվածով կազմակերպությունների համար անշարժ գույքի հարկի հաշվարկման և վճարման համար հաշվետու ժամանակաշրջան է համարվում յուրաքանչյուր հաշվետու տարին, իսկ ՀՀ հարկային օրենսգրքի 236-րդ հոդվածի համաձայն՝ վճարման ժամանակահատվածը՝ մինչև հարկային տարվա դեկտեմբերի 1-ը ներառյալ:

Ընդ որում հարկ է նկատի ունենալ, որ կազմակերպությունների համար «Գույքահարկի մասին» ՀՀ օրենքով նույնպես (ուժը կորցրել է 01.01.2021 թվականից` 04.10.16 ՀՕ-165-Ն օրենք) նմանատիպ՝ կիսամյակային հաշվարկման և վճարման կարգավորումներ էր սահմանված, որը սակայն ՀՀ հարկային օրենսգրքում չի ներառվել:

Ելնելով վերոգրյալից, առաջարկվում է համապատասխան փոփոխություն կատարել ՀՀ հարկային օրենսգրքում՝ կազմակերպությունների համար անշարժ գույքի հարկի հաշվարկման և վճարման համար հաշվետու ժամանակաշրջան համարել հաշվետու տարվա կիսամյակը, իսկ վճարումը իրականացնել 1-ին կիսամյակի համար՝ մինչև հարկային տարվա հունիսի 1-ը ներառյալ, 2-րդ կիսամյակի համար՝ մինչև հարկային տարվա դեկտեմբերի 1-ը ներառյալ:

Նախագծի մշակման գործընթացում ներգրավված ինստիտուտները և անձիք.

ՀՀ Տարածքային կառավարման և ենթակառուցվածքների նախարարություն, Երևանի քաղաքապետարան.

Ակնկալվող արդյունքը.

Ներկայացված օրենսդրական փոփոխությունների կիրառման դեպքում ակնկալվում է, որ կբարելավվի համայնքի բյուջեի եկամտայի մասի պլանավորման և կատարման մակարդակը, ինչպես նաև կբարձրանա նպատակային օգտագործման արդյունավետությունը:

Լրացուցիչ ֆինանսական միջոցների անհրաժեշտությունը, պետական և տեղական ինքնակառավարման մարմինների բյուջեներում եկամուտների և ծախսերի սպասվելիք փոփոխությունները.

Նախագծի ընդունման կապակցությամբ լրացուցիչ ֆինանսական միջոցների անհրաժեշտություն չի առաջանում, պետական և տեղական ինքնակառավարման մարմինների բյուջեներում ծախսերի և եկամուտների էական ավելացում և նվազեցում չի նախատեսվում:

Նախագծի ընդունման առնչությամբ ընդունվելիք այլ իրավական ակտերի կամ դրանց ընդունման անհրաժեշտության բացակայության մասին.

Նախագծի ընդունումն այլ իրավական ակտերում փոփոխություններ կատարելու անհրաժեշտություն չի առաջացնում:.

Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ».

Նախագիծը բխում է «Հայաստանի վերափոխման ռազմավարություն 2050», «Կառավարության 2021-2026թթ. ծրագիր» /կետ 6.10, 4-րդ ենթակետ/ ռազմավարական փաստաթղթերի դրույթներից:

Մասնավորապես, փոփոխություններ կատարելով օրենսդրական դաշտում՝ կբարելավվի հանրային միջոցների հավաքագրման և նպատակային օգտագործման արդյունավետությունը։

project.old_project_time.text

18.07.2022 - 03.08.2022
project.type.title

Закон
project.area.title

Государственные доходы, Территориальное управление и развитие
project.ministry.title

Министерство территориального управления и инфраструктур

project.send_email.title

project.email.info

project.views.title 1763

project.print.title

project.sentences.title

project.sentences.see_more