project.favorite.title

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՕԳՈՍՏՈՍԻ 11-Ի N 1156-Ն ՈՐՈՇՈԻՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

1 - project.vote.yes
0 - project.vote.no

ՀԻՄՆԱՎՈՐՈՒՄ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2011 ԹՎԱԿԱՆԻ ՕԳՈՍՏՈՍԻ 11-Ի N 1156-Ն ՈՐՈՇՈԻՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ

ՆԱԽԱԳԾԻ ՎԵՐԱԲԵՐՅԱԼ

1. Ընթացիկ իրավիճակը և ակտի ընդունման անհրաժեշտությունը

«Հայաստանի Հանրապետության 2011 թվականի օգոստոսի 11-ի N1156-Ն որոշումն ուժը կորցրած ճանաչելու մասին» Հայաստանի Հանրապետության կառավարության որոշման նախագծի (Այսուհետ` Նախագիծ) ընդունումը պայմանավորված է այն հանգամանքով, որ 2022 թվականի դեկտեմբերի 8-ին ընդունվել է «Բնակչության բժշկական օգնության և սպասարկման մասին օրենքում լրացումներ կատարելու մասին» Հայաստանի Հանրապետության Օրենքը (Այսուհետ` Օրենք), ըստ որի Հոդված 12-ը լրացվել է 1.1-ին մասով` «Լիազոր մարմինը հաստատում է ծննդի, պերինատալ մահվան և մահվան մասին բժշկական վկայականների պատրաստման, հաշվառման ու տրամադրման կարգը:» Հաշվի առնելով Օրենքում կատարված լրացումը և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասը, անհրաժեշտություն է առաջացել ստեղծելու իրավական հիմքեր բժշկական կազմակերպություններում ծննդի, պերինատալ մահվան և մահվան մասին բժշկական վկայականների պատրաստման, հաշվառման ու տրամադրման կարգի համար:

Հիմք ընդունելով Օրենքում կատարված փոփոխությունը` ՀՀ առողջապահության նախարարի 2023 թվականի հունիսի 2-ի թիվ 29-Ն հրամանով հաստատվել է «Ծննդի, պերինատալ մահվան և մահվան մասին բժշկական վկայականների պատրաստման, հաշվառման ու տրամադրման կարգը»: Ուստի, անհրաժեշտություն է առաջացել ուժը կորցրած ճանաչել Հայաստանի Հանրապետության 2011 թվականի օգոստոսի 11-ի N1156-Ն որոշումը:

2. Կարգավորման նպատակը և բնույթը

Նախագծի նպատակն է ապահովել բժշկական կազմակերպություններում ծննդի,

պերինատալ մահվան և մահվան մասին բժշկական վկայականների պատրաստման, հաշվառման և տրամադրման կարգի իրավական կարգավորում:

3. Նախագծի մշակման գործընթացում ներգրավված ինստիտուտները, անձինք

Նախագիծը մշակել են ՀՀ առողջապահության նախարարության աշխատակիցները:

4. Ակնկալվող արդյունքը

Նախագծի ընդունման արդյունքում կկանոնակարգվի բժշկական կազմակերպություններում ծննդի, պերինատալ մահվան և մահվան մասին բժշկական վկայականների պատրաստման, հաշվառման և տրամադրման գործընթացը:

5. Նախագծի ընդունման կապակցությամբ Հայաստանի Հանրապետության պետական բյուջեում ծախսերի և եկամուտների էական ավելացման կամ նվազեցման բացակայության մասին

Նախագծի ընդունման կապակցությամբ պետական կամ տեղական ինքնակառավարման մարմնի բյուջեում ծախuերի և եկամուտների էական ավելացում կամ նվազեցում չի նախատեսվում:

6. Կապը ռազմավարական փաստաթղթերի հետ. Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ

Նախագիծը համապատասխան ռազմավարական փաստաթղթերից չի բխում:

project.old_project_time.text

03.07.2023 - 19.07.2023
project.type.title

Pешение
project.area.title

Здравоохранение
project.ministry.title

Министерство здравоохранения

project.send_email.title

project.email.info

project.views.title 186

project.print.title

project.sentences.title

project.sentences.see_more