project.favorite.title

ՀԻՎԱՆԴԱՆՈՑԱՅԻՆ ԵՎ ԱՐՏԱՀԻՎԱՆԴԱՆՈՑԱՅԻՆ ԴԱՏԱՀՈԳԵԲՈՒԺԱԿԱՆ ՓՈՐՁԱՔՆՆՈՒԹՅՈՒՆՆԵՐԻ ԱՆՑԿԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ ՀԱՅԱUՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈւՆ ՈՐՈՇՈՒՄ

9 - project.vote.yes
4 - project.vote.no

ՀԻՄՆԱՎՈՐՈՒՄ

«ՀԻՎԱՆԴԱՆՈՑԱՅԻՆ ԵՎ ԱՐՏԱՀԻՎԱՆԴԱՆՈՑԱՅԻՆ ԴԱՏԱՀՈԳԵԲՈՒԺԱԿԱՆ ՓՈՐՁԱՔՆՆՈՒԹՅՈՒՆՆԵՐԻ ԱՆՑԿԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՄԱՆ ՆԱԽԱԳԾԻ

Անհրաժեշտությունը (իրավական ակտի ընդունման նպատակը).

Սույն որոշման ընդունումը բխում է «Հոգեբուժական օգնության մասին» Հայաստանի Հանրապետության օրենքի 7-րդ հոդվածի 4-րդ մասի և Հայաստանի Հանրապետության վարչապետի 2009 թվականի հուլիսի 27-ի «Հոգեբուժական օգնության մասին» Հայաստանի Հանրապետության օրենքում լրացումներ և փոփոխություններ կատարելու մասին՚ Հայաստանի Հանրապետության օրենքի կիրարկումն ապահովող միջոցառումների մասին» N 623-Ա որոշմամբ հաստատված ցանկի 2-րդ կետի պահանջներից:

Ընթացիկ իրավիճակը և խնդիրները.

Ներկայումս դատահոգեբուժական փորձաքննությունները անցկացնելու միասնական կարգի բացակայության պատճառով շատ հաճախ փորձաքննությունների իրականացման համար հանձնաժողովների ձևավորումն իրականացվում է տարբեր ձևով, որոշումներում չեն ամրագրվում փորձագետների իրավունքները և պարտականությունները, փորձագետների վճարման մեխանիզմները, ինչպես նաև մի շարք այլ պահանջներ: Թերի կարգավորված են դատահոգեբուժական փորձաքննության հետ կապված հարցերը (իրականացման ընթացակարգեր, ժամկետներ), չկա միասնական մոտեցում փորձագիտական եզրակացությունների կազմման և ներկայացման վերաբերյալ, ինչի արդյունքում առաջանում են բազմաթիվ խնդիրներ, այդ թվում ողջամիտ ժամկետներում իրավապահ մարմիններին եզրակացությունների տրամադրում և այլն:

3.Կարգավորման նպատակը և բնույթը.

Նախագծով սահմանվում են հիվանդանոցային և արտահիվանդանոցային դատահոգեբուժական փորձաքննությունների կատարման կարգն ու պայմանները` կարգավորելով համապատասխան ոլորտի հասարակական հարաբերությունները և լրացնելով օրենսդրության բացերը: Նախագծի ընդունման դեպքում ակնկալվում է բարելավել հոգեկան խանգարումներով տառապող անձանց իրավունքների իրացումը, տարբեր գործիքների միջոցով սահմանել մեխանիզմներ՝ դրանց պաշտպանության համար, սահմանել դատահոգեբուժական փորձաքննությունների իրականացման ընթացակարգը` սահմանելով փորձաքննությունների իրականացման կոնկրետ ժամկետներ: Դատահոգեբուժական փորձաքննությունները, որպես դատաբժշկական փորձաքննության առանձին տեսակ, որտեղ լաբորատոր-գործիքային հետազոտություններ չեն արվում, և փորձաքննություններն իրականացվում են բացառապես բժշկի գիտելիքների ու մասնագիտական հմտությունների հիման վրա, ունեն առանձնահատուկ կարգավորումների անհրաժեշտություն: Հաշվի առնելով այն հանգամանքը, որ դատահոգեբուժական փորձաքննությունները որոշակիորեն շոշափում են անձանց իրավունքները, ուստի նպատակահարմար է դատահոգեբուժական փորձաքննություններին վերաբերող կարգի առկայությունը:

4.Նախագծի մշակման գործընթացում ներգրավված ինստիտուտները և անձինք.

«Հիվանդանոցային և արտահիվանդանոցային դատահոգեբուժական փորձաքննությունների անցկացման կարգը սահմանելու մասին» Հայաստանի Հանրապետության կառավարության որոշման նախագծի մշակումն իրականացվել է առողջապահության նախարարության բժշկական օգնության քաղաքականության և իրավաբանական վարչությունների կողմից:

Ակնկալվող արդյունքը.

Սույն որոշման նախագծի ընդունմամբ հստակ կամրագրվեն հիվանդանոցային և արտահիվանդանոցային դատահոգեբուժական փորձաքննությունների նշանակման կարգը, դատահոգեբուժական փորձաքննության ընդհանուր պայմանները, հիվանդանոցային և արտահիվանդանոցային փորձաքննությունների կատարման ընթացակարգերը, ժամկետները, փորձագետների վճարման մեխանիզմները ինչպես նաև փորձաքննությունների արդյունքների ձևակերպման պայմանները, ինչը գործնականորեն կնպաստի ՀՀ տարածքում իրականացվող փորձաքննությունների իրականացման արդյունավետության որակական նոր աստիճանի բարձրացմանը:

Տ Ե Ղ Ե Կ Ա Ն Ք

Իրավական ակտն ընդունելու կապակցությամբ պետական բյուջեում կամ տեղական ինքնակառավարման մարմինների բյուջեներում ծախսերի և եկամուտների էական ավելացումների կամ նվազեցումների մասին

«Հիվանդանոցային և արտահիվանդանոցային դատահոգեբուժական փորձաքննությունների անցկացման կարգը սահմանելու մասին» Հայաստանի Հանրապետության կառավարության որոշման նախագծի ընդունման կապակցությամբ Հայաստանի Հանրապետության պետական բյուջեում կամ տեղական ինքնակառավարման մարմինների բյուջեներում սպասվում են ոչ էական ավելացումներ:

Տ Ե Ղ Ե Կ Ա Ն Ք

Նախագծի ընդունման առնչությամբ ընդունվելիք այլ իրավական ակտերի կամ դրանց ընդունման անհրաժեշտության բացակայության մասին

Այլ իրավական ակտերում փոփոխությունների և/կամ լրացումների անհրաժեշտությունը.

«Հիվանդանոցային և արտահիվանդանոցային դատահոգեբուժական փորձաքննությունների անցկացման կարգը հաստատելու մասին» Հայաստանի Հանրապետության կառավարության որոշման նախագծի ընդունման կապակցությամբ այլ իրավական ակտերում փոփոխություններ և/կամ լրացումներ կատարելու անհրաժեշտություն չի առաջանա:

project.old_project_time.text

07.02.2019 - 01.03.2019
project.type.title

Pешение
project.area.title

Здравоохранение
project.ministry.title

Министерство здравоохранения

project.send_email.title

project.email.info

project.views.title 8505

project.print.title

project.sentences.title

28.02.2019

Նախագծով կարգավորված չէ այն հարցը, թե որ դեպքերում/ում որոշմամբ է իրականացվում հիվանդանոցային եւ որ դեպքերում/ում որոշմամբ՝ արտահիվանդանոցային դատահոգեբուժական փորձաքննություն։ Իրավական որոշակիության տեսանկյունից՝ այս հարցերը վերաշարադրման կարիք ունեն։ ՀՀ Սահմանադրական դատարանն իր 2008 թվականի մայիսի 13-ի № ՍԴՈ-753 որոշման մեջ, անդրադառնալով իրավական որոշակիության սկզբունքին, հայտնել է դիրքորոշում, համաձայն որի՝ իրավական պետության սկզբունքը, ի թիվս այլնի, պահանջում է նաեւ իրավական օրենքի առկայություն, որը պետք է լինի բավականաչափ մատչելի, որպեսզի իրավունքի սուբյեկտները համապատասխան հանգամանքներում հնարավորություն ունենան կանխորոշելու, թե տվյալ դեպքում իրավական ինչ նորմեր են կիրառվում: Նորմը չի կարող համարվել «օրենք», եթե այն ձեւակերպված չէ բավարար ճշգրտությամբ։ Նույնաբովանդակ իրավական դիրքորոշումներ են տեղ գտել նաեւ Մարդու իրավունքների եվրոպական դատարանի վճիռներում (օրինակ՝ «Սանդեյ Թայմս ընդդեմ Միացյալ Թագավորության» 1979 թվականի ապրիլի 26-ի գործով վճիռը, գանգատ № 6538/74, կետ 49):

28.02.2019

Նախագծի III մասի 8-րդ կետով սահմանվում է, որ փորձաքննության ենթարկվող անձը պետք է իր համար մատչելի ձեւով տեղեկացվի իր նկատմամբ կիրառվող հետազոտությունների մեթոդների վերաբերյալ, ներառյալ այլընտրանքային մեթոդների, եւ այդ մեթոդների կիրառման հնարավոր հետեւանքների մասին։ Փորձաքննության ենթարկվող անձի իրավունքների ապահովման տեսանկյունից՝ առաջարկում ենք վերաշադրել նշված նախադասությունն ու ամրագրել. «Փորձաքննության ենթարկվող անձն իր համար մատչելի եղանակով եւ գրավոր ձեւով տեղեկացվում է իր նկատմամբ կիրառվող հետազոտությունների մեթոդների վերաբերյալ, ներառյալ այլընտրանքային մեթոդների, եւ այդ մեթոդների կիրառման հնարավոր հետեւանքների մասին։ Եթե փորձաքննության ենթարկվող անձի հոգեկան վիճակն անհնարին է դարձնում այդպիսի պարզաբանումը կամ փորձաքննության ենթարկվող անձը չի ցանկանում ստորագրել պարզաբանման տակ կամ չի կարողանում ինքնուրույն ստորագրել, ապա այդ մասին նշում է կատարվում փորձագիտական եզրակացության ակտում։»։

28.02.2019

ՀՀ քրեական դատավարության օրենսգրքի 245-րդ հոդվածի 1-ին մասով սահմանվում է, որ կողմի պահանջով փորձագետների հանձնաժողովի կազմում կարող է ընդգրկվել իր կողմից հրավիրված փորձագետը: Նախագծով, սակայն, կարգավորումներ նախատեսված չեն այս մասով, ինչն առաջարկում ենք հստակեցնել։

project.sentences.see_more