project.favorite.title

«ԾԽԱԽՈՏԱՅԻՆ ԱՐՏԱԴՐԱՏԵՍԱԿՆԵՐԻ ԵՎ ԴՐԱՆՑ ՓՈԽԱՐԻՆԻՉՆԵՐԻ ՕԳՏԱԳՈՐԾՄԱՆ ՀԵՏԵՎԱՆՔՈՎ ԱՌՈՂՋՈՒԹՅԱՆԸ ՀԱՍՑՎՈՂ ՎՆԱՍԻ ՆՎԱԶԵՑՄԱՆ ԵՎ ԿԱՆԽԱՐԳԵԼՄԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

1 - project.vote.yes
7 - project.vote.no

ՀԻՄՆԱՎՈՐՈՒՄ

«ԾԽԱԽՈՏԱՅԻՆ ԱՐՏԱԴՐԱՏԵՍԱԿՆԵՐԻ ԵՎ ԴՐԱՆՑ ՓՈԽԱՐԻՆԻՉՆԵՐԻ ՕԳՏԱԳՈՐԾՄԱՆ ՀԵՏԵՎԱՆՔՈՎ ԱՌՈՂՋՈՒԹՅԱՆԸ ՀԱՍՑՎՈՂ ՎՆԱՍԻ ՆՎԱԶԵՑՄԱՆ ԵՎ ԿԱՆԽԱՐԳԵԼՄԱՆ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ» ՕՐԵՆՔԻ ՆԱԽԱԳԾԻ ԸՆԴՈՒՆՄԱՆ

Ընթացիկ իրավիճակը և իրավական ակտի ընդունման անհրաժեշտությունը.

Սույն նախագծի ընդունումը պայմանավորված է «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի 1-ին հոդվածի 1-ին մասի 6-րդ կետով նախատեսված է «ծխախոտային արտադրատեսակի փոխարինիչ» հասկացությունը, ըստ որի` ծխախոտային արտադրատեսակի փոխարինիչ է ծխախոտահումք չպարունակող, էլեկտրոնային (էլեկտրականություն կամ մարտկոցներ) եղանակով աշխատող արտադրանքը (քարթրիջով կամ տարայով), որի միջոցով նիկոտինի և պրոպիլենգլիկոլ կամ գլիցերին, առանձին դեպքերում նաև տարբեր համային կամ հոտային հավելումներ պարունակող լուծույթի գոլորշիացմամբ առաջացած աերոզոլը փոխանցվում է օգտագործողի օրգանիզմ:

Սակայն, հաշվի առնելով ՀՀ շուկայում նոր արտադրատեսակների առկայությունը, անհրաժեշտություն է առաջացել վերանայել «ծխախոտային արտադրատեսակի փոխարինիչ» հասկացությունը` ներառելով այդ արտադրատեսակների կարգավորումը:

2. Առաջարկվող կարգավորման բնույթը.

Սույն նախագծով առաջարկվում է վերանայել «ծխախոտային արտադրատեսակի փոխարինիչ» հասկացությունը:

3. Նախագծի մշակման գործընթացում ներգրավված ինստիտուտները և անձինք

Նախագիծը մշակվել է Առողջապահության նախարարության և ԱՆ «Ակադեմիկոս Ս. Ավդալբեկյանի անվան առողջապահության ազգային ինստիտուտ» ՓԲԸ-ի աշխատակիցների կողմից:

4. Ակնկալվող արդյունքը

Նախագծի ընդունման արդյունքում ակնկալվում է հստակեցնել «ծխախոտային արտադրատեսակի փոխարինիչ» հասկացությունը:

5. Նախագծի ընդունման կապակցությամբ ֆինանսական միջոցների անհրաժեշտության և պետական բյուջեի եկամուտներում և ծախսերում սպասվելիք փոփոխությունների մասին

Նախագծի ընդունման կապակցությամբ պետական կամ տեղական ինքնակառավարման մարմնի բյուջեում ծախuերի և եկամուտների ավելացում կամ նվազեցում չի նախատեսվում:

6. Կապը ռազմավարական փաստաթղթերի հետ.

Հայաստանի վերափոխման ռազմավարություն 2050, Կառավարության 2021-2026թթ. ծրագիր, ոլորտային և/կամ այլ ռազմավարություններ:

Նախագիծը կապված չէ ռազմավարական փաստաթղթերի հետ:

project.old_project_time.text

21.02.2022 - 08.03.2022
project.type.title

Закон
project.area.title

Здравоохранение
project.ministry.title

Министерство здравоохранения

project.send_email.title

project.email.info

project.views.title 3404

project.print.title

project.sentences.title

03.03.2022

Օրենքի մի շարք կետեր գրված են ոչ հատակ և դրանց հստակեցման անհրաժեշտություն կա։ Այսպես 1․18 կետի սահմանումը չափազանց լայն է և անհրաժեշտ է այն դարձնել առավել հստակ

03.03.2022

4․4 կետը հակասում է ԵԱՏՄ 035/2014 տեխնիկական կանոնակարգի պահանջներին, ինչպես նաև Եվրասիական Տնտեսական Միության պայմանագրի (այսուհետ՝ Պայմանագիր) 51, 52 և 53-րդ կետերի հիմնական սկզբունքներին, որոնք պարտադիր են միության անդամ-պետությունների համար: Նշված հակասություններից խուսափելու նպատակով ծխախոտի արտադրանքների համար առաջարկվող դրույթները, որոնք կապված են տեխնիկական կանոնակարգերի, այդ թվում նաև փաթեթավորման և մակնշման, ծխախոտի արտադրատեսակների անվտանգության տեխնիկական կանոնակարգերի հաստատմանը, արտանետումների ազգային նորմերի սահմանմանը, ստուգման և չափման ու ծխախոտի արտադրանքների արտանետումների ընթացակարգերի, ինչպես նաև նոր ապրանքների դասերի համանման դրույթների հետ, որոնք դեռ ընդգրկված չեն Միասնական Ցուցակում, հարկավոր է հեռացնել Օրենքից և տվյալ հարցը հանձնել Եվրասիական Տնտեսական Հանձնաժողովի քննարկմանը: Պայմանագրի 5-րդ Գլուխը սահմանում է տեխնիկական կանոնակարգերի ոլորտին վերաբերող դրույթներ, ներառյալ հետևյալը՝ - Միության Տեխնիկական Կանոնակարգերում պարտադիր պահանջների կամ Անդամ-պետությունների օրենքներում ազգային պարտադիր պահանջների սահմանում այն ապրանքների համար, որոնք ներառված են ապրանքների Միասնական Ցուցակում (այսուհետ՝ «Միասնական Ցուցակ»), որոնց համար Միությունում սահմանված են պարտադիր պահանջներ: - Բիզնեսի գործունեության համար ավելորդ խոչընդոտների առաջացման կանխում (Հոդված 51. «Տեխնիկական կանոնակարգերի ընդհանուր սկզբունքներ») - Անդամ պետությունները թույլ չեն կարող իրենց օրենսդրության մեջ սահմանել «Միասնական ցուցակում» ընդգրկված ապրանքների համար պարտադիր պահանջներ: (Հոդված 52. «Միության տեխնիկական կանոնակարգերը և չափորոշիչները») - Անդամ պետություններն ապահովում են այն ապրանքների շրջանառությունը, որոնք բավարարում են իրենց տարածքում Միության տեխնիկական կանոնակարգի պահանջները (Միության տեխնիկական կանոնակարգերը)՝ առանց այդպիսի արտադրանքի համար լրացուցիչ պահանջների ներկայացման, միության տեխնիկական կանոնակարգերում պարունակվող ապրանքների վերաբերյալ (Միության տեխնիկական կանոնակարգ) և առանց համապատասխանության գնահատման լրացուցիչ ընթացակարգերի: (Հոդված 53 «Ապրանքների շրջանառությունը և միության տեխնիկական կանոնակարգերը») Լրացուցիչ պահանջներ արտադրանքի դասերի նկատմամբ, որոնք կարգավորվում են Մաքսային Միության թիվ 035/2014 «Ծխախոտի արտադրանքի տեխնիկական կանոնակարգ»-ով։ Մաքսային Միության թիվ 035/2014 տեխնիկական կանոնակարգը կարգավորում է ծխախոտի արտադրանքի տարբեր տեսակները և սահմանում է դրանց համար պարտադիր պահանջներ․ արտադրանքի անվտանգության բնութագրեր, համապատասխանության գնահատման պահանջներ, ապրանքատեսակների մակնշմանը և պիտակավորմանը ներկայացվող պահանջներ: ՀՀ-ի համար Եվրասիական տնտեսական հանձնաժողովի կողմից 035/2014 տեխնիկական կանոնակարգի իրականացման համար երկարաձգված անցումային դրույթը չի նշանակում, որ այդ տեխնիկական կանոնակարգի պահանջները տվյալ պահին կիրառելի չեն Հայաստանում: Հետևաբար, հաշվի առնելով վերոհիշյալ 53-րդ կետի սկզբունքը, ՀՀ-ն չպետք է լրացուցիչ պահանջներ ներկայացնի ԵՏՄ մակարդակով արդեն իսկ կարգավորվող ծխախոտային արտադրատեսակների նկատմամբ:

03.03.2022

5․5 կետը խոչընդոտում է շուկայում ազատ մրցակցությանը և սահմանափակում է մանրածախ առևտրի կետերի կողմից իրենց գնային քաղաքականությունը որոշելու իրավունքը: Միևնույն ժամանակ, այս կետը հստակ չէ գրված, և այն պետք է կամ հանվի կամ էականորեն լրամշակվի և հստակեցվի։

project.sentences.see_more